Johnny Cash-Walk The Line film

من أغنية جوني كاش الرائعةWalk The Line:

You've got a way to keep me on your side

You give me cause for love that I can't hide

For you I know I'd even try to turn the tide

Because you're mine, I walk the line

I keep a close watch on this heart of mine

I keep my eyes wide open all the time

I keep the ends out for the tie that binds

Because you're mine, I walk the line

................................................

You can tie your ship to this man-Bob Dylan about Cash

.................................................

شاهدت أخيرا فلم i walk the lineاللي بيحكي قصة اسطورة الروك و الكانتري الامريكي جوني كاش و دا كان راجل معلم من الخمسينات و دماغه عالية جدا , انا أصلا بحب ستايل الروك على طول و كاش بيقرن للريف موسيقى ممفيس تينيسي الفلم بقى:

الفبلم مع البداية بيتطرق بسرعة للحادثة اللي اتعرضلها أخو جوني و هو صغير و أثرت على النجم و حياته بعد كده,بعد كده بدأ الفن بجد و بدأال مخرج يفرد سيطرته,و المخرج دا هو جيمس مونجول و عمل أفلام قبل كدا جامدة, تمثيل فكان الأوسكار من نصيب ريس وذر سبون و اللي مثلت دور زوجة جوني التانية و اللي اسمها جوني (برده) كارتر و هيكون الفلم كله عن قصة الحب دي و هي أصلا واحدة من أهم قصص الحب في أمريكا,الفلم في مجموعة مشاهد كتير حلوة منها على سبيل المثال و اللي بجد أثر فيا و من المعروف إن المشاهد اللي بتعلم بجد هي اللي ممكن تلخص الفلم و كمان تعبر عن صياعة المخرج اللي في الفلم دا طلع ابن لعيبة بجد,مع إنه نسي كتير أوي عن ديلان (أنا بقى ديلان دا بالنسبة لي حاجة عالية قوي) وإن كان مقدرش يتجاهل ديلان فجاب كلام عنه بسرعة زي مثلا صورة ديلان و المنتج بيرفض عرض اسطوانة كاش و كأن ديلان كان هو النجم,و في حتة الرسالة و حته المنتج قالوا ديلان هو اللي ماشي إنتا ستايلك قديم

المشاهد:

1-مشهد و هو طيار حربي و بيكلم خطيبته من ألمانيا و بيقولها إنو يوما ما هيكون مغني مشهور و يتسمع في الراديو و هيشتروا البيت اللي بيحلموا بيه و يبقوا أغنياء دا كان جامد و بالذات إن الظابط جه و قفل الخط عليه كأنه بيقول:يبك من الأحلام الخرافات إنتا و لا حاجة و دا كان موجود في عين جوني و هو بيبصلوب بقوة

2-و هو وحيد في وسط الليل بيتدرب على موسيقى البلوز و بيألف أغاني هتبقى بعد كده علامات فاصلة,و نفس الفكرة و هو ماشي و الولد بيلمع الجزمة و دا اللي طلع في دماغه فكرة الأغنية الجميلة

3-كل المشاهد اللي عملتها ريس وذر سبون جامدة جدا و فعلا تستحق أوسكار و كمان الممثل اترشح بالذات نظراته كانت جامده موت,في أول مرة يتقابلوا لما حصلت المششكلة بتاعت الجيتار و لما جوني كارتر هزرت مع الجمهور,و بعد كدا لما قعدوا يتكلموا في البار كانت حته دمار بالذات لما قال لها:

أكتر حاجة فيكي حلوة صوتك

فقالتلوا:أهلي كانوا بيقولوا أختي أحسن و دا خلاني لازم أكون ظريفة و مرحة عشان أعوض النقص

فكانت علاقتهم هي دي كل واحد بيكمل التاني

المشهد بتاع لما كان سكران و قعدت تحدفوا هو و أصحابه بالزجاجت الفاضية

لما كان بيهزر معاها و لما طلب إيديها الساعة اتنين بالليل عشان حلم حلم

لما قاللها ليه اتجوزتي واحد تاني؟

لما عرض عليها الجواز و هما عالاستايج و دا كان تحفة فعلا و اتأرت أنا بيه,

لما ساعدته على العلاج من الإدمان

لما زعق لمراته لما رفضت تعلق صورتها

كانت بجد كويسة قوي ريس وذرسبوون و استحقت تاخد أوسكار أحسن ممثلة باستحقاق

3- مشاهد الممثل الأستاذ يواكين فيونكس في الفلم دا بجد و بالذات:

لما كان بيمشي لمسافات مهوله لوحده كانت الكاميرا بتجيبه وهو ماشي أعرج و دا كان مجهود خرافي من ممثل يمشي بوضع صعب لأن جوني كاش بيمشي كدا أصلا,

لما صاحب الأستوديو قفل الباب في وشه كان على وشه تعبير خرافه

لما صاحب الاستوديو قالوا:

مينفعش تسمعني صوتك في أغاني دينية و أقولك إنه حلو و أرضى أسجلك لازم تغني كأن شاحتة خبطتك و إنتا تحتها بتلفظ آخر أنفاسك هتغني تقول

لما قال جوني للراجل دا: بتحب سلاح الطيران؟

قال المدير:آه

قال جوني:أنا مبحبوش و غنى أغنيةcry cry cry اللي بتنتقد الحرب و الدمار

لما زعق لمراته كان مشهد صعب و عايز واحد حريف

في مرحلة الإدمان و الإقراص بالذات لما اتمسك في المطار

الحته لماكان بيغني في السجن جامدة تيت

4-الإخراج آخر صياعة صراحة

5-المزيكا أستاذة بالذات i walk the line,cry cry cry,التصوير و الديكور تحفة

أنا كان نفسي أشوف الفلم دا من زمان أخيرا شفته أمبارح و استمتعت بيه جدا هو طويل حبتين لكن القصة والشخصيات تستحق

فلم جامد